నందమూరి కల్యాణ్‌రామ్ హీరోగా రొమాంటిక్ పోలీస్!

నందమూరి కల్యాణ్‌రామ్ హీరోగా నటిస్తూ నిర్మిస్తున్న చిత్రం పటాస్. ఈ చిత్రం ద్వారా అనిల్ రావిపూడి దర్శకుడిగా పరిచయమవుతున్నాడు. యాక్షన్ ఎంటర్‌టైనర్‌గా రూపొందుతున్న ఈ సినిమా చిత్రీకరణ పూర్తయింది. ఈ సందర్భంగా కల్యాణ్‌రామ్ మాట్లాడుతూ రొమాంటిక్ యాక్షన్ ఎంటర్‌టైనర్‌గా దర్శకుడు ఈ చిత్రాన్ని రూపొందిస్తున్నాడు. కమర్షియల్ ఎలిమెంట్స్‌తో కూడిన పక్కా మాస్ ఎంటర్‌టైనర్ ఇది. కథానుగుణంగా సాయికార్తీక్ చక్కటి సంగీతం అందించాడు. పాటలన్నీ ఆకట్టుకుంటాయి. గత చిత్రాలకు పూర్తి భిన్నంగా నా పాత్ర చిత్రణ సరికొత్త పంథాలో వుంటుంది.

పటాస్ లాంటి ఓ పోలీసు కథ నేపథ్యంలో సాగే చిత్రమిది. డిసెంబర్ మొదటి వారంలో ఆడియోను, అదే నెలలో చిత్రాన్ని ప్రేక్షకుల ముందుకు తీసుకురావాలని సన్నాహాలు చేస్తున్నాం అన్నారు. సాయికుమార్,బ్రహ్మానందం, అశుతోష్‌రాణా, ఎమ్మెస్‌నారాయణ, శ్రీనివాసరెడ్డి, జయప్రకాష్‌రెడ్డి, పోసాని కృష్ణమురళి తదితరులు నటిస్తున్న ఈ చిత్రానికి కెమెరా:సర్వేష్‌మురారి, ఎడిటింగ్:తమ్మిరాజు, ఫైట్స్:రామ్-లక్ష్మణ్, రచనా సహకారం: ఎస్.క్రిష్ణ. కథ, మాటలు, స్క్రీన్‌ప్లే, దర్శకత్వం:అనిల్ రావిపూడి.

Posted in: Tollywood News