మహేష్ చిత్రానికి శ్రీమంతుడు అన్న పేరు?

మహేష్‌బాబు కథానాయకుడిగా కొరటాల శివ దర్శకత్వంలో ఓ ఫ్యామిలీ ఎంటర్‌టైనర్ రూపొందుతున్న విషయం తెలిసిందే. శృతిహాసన్ కథానాయికగా నటిస్తోంది. మైత్రీ మూవీస్ పతాకంపై యలమంచిలి రవిశంకర్, మోహన్, ఎర్నేని నవీన్ సంయుక్తంగా నిర్మిస్తున్నారు. ప్రస్తుతం ఈ సినిమా చిత్రీకరణ హైదరాబాద్‌లో జరుగుతోంది. ఈ చిత్రం కోసం ఇటీవల కన్నయ్య,మా అక్క బంగారం అనే టైటిల్స్ వినిపించిన విషయం తెలిసిందే.

అయితే తాజాగా ఈ చిత్రానికి శ్రీమంతుడు అన్న పేరుని చిత్ర వర్గాలు పరిశీలిస్తున్నట్టు తెలిసింది. కథకు అనుగుణంగా టైటిల్ బాగుంటుందని యూనిట్ వర్గాలు భావిస్తున్నాయట. ఇందులోని కీలకమైన అక్క పాత్రలో నదియా నటిస్తోంది. ఆమె పాత్ర చుట్టూనే కథ నడుస్తుందని, చక్కటి ఫ్యామిలీ ఎంటర్‌టైనర్‌గా తెరకెక్కుతున్న ఈ చిత్రాన్ని 2015 ఫిబ్రవరిలో విడుదల చేయాలని చిత్ర వర్గాలు సన్నాహాలు చేస్తున్నాయి.

Posted in: Tollywood News