తమన్నా కొత్త ప్రపంచ అనుభూతి..

బాహుబలి సెట్‌లో అడుగు పెట్టిన ప్రతిసారి ఎంతో ఉద్వేగానికి లోనయ్యేదాన్ని. కొత్త ప్రపంచంలోకి అడుగుపెడుతున్న అనుభూతి కలిగేది అని చెబుతోంది తమన్నా. ఆమె ప్రస్తుతం ఎస్.ఎస్.రాజమౌళి రూపొందిస్తున్న క్రేజీ చిత్రం బాహుబలిలో నటిస్తున్న విషయం తెలిసిందే. ప్రభాస్, అనుష్క, రానా, ప్రధాన పాత్రల్లో నటిస్తున్న ఈ చిత్రంలో మిల్కీవైట్ బ్యూటీ తమన్నా అవంతిక పాత్రలో కనిపించబోతోంది.

ఈ సినిమా కోసం ప్రభాస్, తమన్నాపై దర్శకుడు పోరాట ఘట్టాల్ని చిత్రీకరించబోతున్నట్టు తెలిసింది. ఈ ఎపిసోడ్‌తో చిత్రీకరణ పూర్తి కానున్నట్టు చిత్ర వర్గాల సమాచారం. తమన్నా మాట్లాడుతూ ఈ రోజే పోరాట ఘట్టాల్లో ధరించే కాస్ట్యూమ్స్ ధరించి రిహార్సల్స్‌లో పాల్గొన్నాను. అవి చాలా కొత్తగా వున్నాయి. సినిమాలో రాజమౌళి నా పాత్రని మలుస్తున్న తీరు అద్భుతం. ఇందులో కొత్త తమన్నాను చూస్తారు. నా కెరీర్‌లో ఇది మరపురాని పాత్ర అవుతుంది అని తెలిపింది. అత్యంత ప్రతిష్టాత్మకంగా తెరకెక్కుతున్న బాహుబలి వచ్చే ఏడాది సమ్మర్ కానుకగా ప్రేక్షకుల ముందుకు రానున్న విషయం తెలిసిందే.

Posted in: Tollywood News