ఎన్టీఆర్ పవర్‌ఫుల్ పోలీస్ ఆఫీసర్‌ టెంపర్!

ఎన్టీఆర్ కథానాయకుడిగా పూరి జగన్నాథ్ దర్శకత్వంలో రూపొందుతున్న చిత్రానికి టెంపర్ అనే పేరును ఖరారు చేశారు. పరమేశ్వర ఆర్ట్ ప్రొడక్షన్స్ పతాకంపై బండ్ల గణేష్ ఈ చిత్రాన్ని నిర్మిస్తున్నారు. కాజల్ అగర్వాల్ కథానాయిక. ఇందులో ఎన్టీఆర్ పవర్‌ఫుల్ పోలీస్ ఆఫీసర్‌గా కనిపించబోతున్నారు. ఈ సినిమా ఫస్ట్‌లుక్‌ను గురువారం విడుదల చేశారు.

ఈ సందర్భంగా నిర్మాత మాట్లాడుతూ ఎన్టీఆర్, పూరి జగన్నాథ్‌ల కలయికలో ఎంతో ప్రతిష్టాత్మకంగా నిర్మిస్తున్న ఈ చిత్రానికి టెంపర్ అనే టైటిల్‌ని ఖరారు చేశాం. ఇప్పటి వరకు 80 శాతం చిత్రీకరణ పూర్తయింది. డిసెంబర్ రెండవ వారంలో అత్యంత భారీ స్థాయిలో ఆడియో ఫంక్షన్‌ని నిర్వహించనున్నాం. జనవరి 9న చిత్రాన్ని ప్రపంచ వ్యాప్తంగా విడుదల చేయాలని సన్నాహాలు చేస్తున్నాం. టెంపర్ వున్న ఓ పోలీస్ కథ ఇది. ఎన్టీఆర్‌ని పూరి మలిచిన తీరు అందరినీ ఆకట్టుకుంటుంది. ఎన్టీఆర్ నటన చిత్రానికి ప్రధాన ఆకర్షణ. ఆయన కెరీర్‌లో మరో మైలురాయిగా నిలిచే చిత్రమిది అన్నారు.

Posted in: Tollywood News