సుబ్రమణ్యం ఫర్ సేల్ ప్రారంభమైంది.

సాయిధరమ్‌తేజ్, రెజీనా జంటగా నటిస్తున్న సుబ్రమణ్యం ఫర్ సేల్ చిత్రం ఇటీవల హైదరాబాద్‌లో ప్రారంభమైంది. దిల్‌రాజు నిర్మిస్తున్న ఈ చిత్రానికి హరీష్‌శంకర్.ఎస్ దర్శకుడు. పూజా కార్యక్రమాల అనంతరం సాయిధరమ్‌తేజ్‌పై చిత్రీకరించిన ముహూర్తపు సన్నివేశానికి హీరో అల్లు అర్జున్ క్లాప్ నిచ్చారు. నిర్మాత శ్యామ్‌ప్రసాద్‌రెడ్డి కెమెరా స్విఛాన్ చేశారు.

దర్శకుడు వి.వి.వినాయక్ గౌరవ దర్శకత్వం వహించారు. ఈ సందర్భంగా నిర్మాత దిల్‌రాజు మాట్లాడుతూ హరీష్‌శంకర్ శైలిలో సాగే భిన్నమైన కమర్షియల్ ఎంటర్‌టైనర్ చిత్రమిది. పక్కా మాస్ అంశాల మేళవింపుతో సరదాగా సాగుతుంది. తొలి ప్రేమ పవన్‌కల్యాణ్‌కు, ఆర్య అల్లు అర్జున్‌కు ఎంతటి ఇమేజ్‌ను తీసుకొచ్చిందో సాయిధరమ్‌తేజ్‌కు ఈ సినిమా అలాంటి పేరును తీసుకొస్తుంది. ఫిబ్రవరి వరకూ హైదరాబాద్‌లో చిత్రీకరణను జరుపుతాం. ఏప్రిల్‌లో ఆమెరికాలో కీలకసన్నివేశాల్ని తెరకెక్కించి వేసవి కానుకగా ఈ చిత్రాన్ని ప్రేక్షకుల ముందుకుతీసుకొచ్చేందుకు సన్నాహాలు చేస్తున్నాం అన్నారు. దర్శకుడు మాట్లాడుతూ ప్రేమకథతో పాటు వాణిజ్య హంగులన్ని ఉన్న చిత్రమిది. క్లాస్, మాస్ అందరిని మెప్పించే విధంగా ఉంటుంది. సాయిధరమ్‌తేజ్ పాత్ర చిత్రణ కొత్తపంథాలో సాగుతుంది. అతన్ని మరో లెవల్‌కు తీసుకెళ్లే చిత్రమిది అని తెలిపారు. దిల్‌రాజు బ్యానర్‌లో మరో సినిమా చేస్తుండటం ఆనందంగా ఉందని సాయిధరమ్‌తేజ్ తెలిపారు. ఇంకా ఈ కార్యక్రమంలో హర్షిత్, శీరిష్, లక్ష్మణ్ తదితరులు పాల్గొన్నారు. 

Posted in: Tollywood News