లక్ష్మీ రావే మా ఇంటికి డిసెంబర్ 5న విడుదలకు సిద్ధమవుతోంది

నాగశౌర్య, అవికాగోర్ జంటగా నటిస్తున్న చిత్రం లక్ష్మీ రావే మా ఇంటికి. గిరిధర్ మామిడిపల్లి నిర్మిస్తున్న ఈ చిత్రానికి నంద్యాల రవి దర్శకుడు. డిసెంబర్ 5న విడుదలకు సిద్ధమవుతోంది. ఈ సందర్భంగా ఏర్పాటు చేసిన సమావేశంలో నిర్మాత గిరిధర్ మాట్లాడుతూ ఇటీవల విడుదలైన పాటలకు ప్రేక్షకుల నుంచి విశేష ఆదరణ లభిస్తోంది. రాధాకృష్ణ సంగీతం, భాస్కరభట్ల, వనమాలి అందించిన సాహిత్యం ఈ చిత్రానికి ప్రత్యేక ఆకర్షణగా నిలిచాయి. సినిమాపై అంచనాలు పెరగడానికి పాటలు బాగా తోడ్పడ్డాయి అన్నారు. భాస్కరభట్ల మాట్లాడుతూ ఆనంద్, గోదావరి, చందమామ చిత్రాల తరువాత రాధాకృష్ణన్‌కు ఈ చిత్రం మళ్లీ అంతటి పేరును తెచ్చిపెట్టింది అన్నారు. సినిమాలో పాటలన్నీ మంచి సాహిత్య విలువలతో వినసొంపుగా వున్నాయన్న పేరొచ్చింది. అవకాశం వస్తే మరోసారి రవి దర్శకత్వంలో నటించాలని వుంది అని నాగశౌర్య తెలిపారు. నాకు తెలిసిన సంగీత దర్శకుడికి ఈ చిత్ర గీతాలు వినిపించాను. పాటలన్నీ చాలా అద్భుతంగా వున్నాయన్నారాయన అని అవికాగోర్ తెలిపింది. దర్శకుడు మాట్లాడుతూ ఆడియో బాగుందని ఇతర దేశాల నుంచి ఫోన్‌లు వస్తున్నాయి. చిత్రంలోని ఆరు పాటలకు రాధాకృష్ణ అద్భుతమైన సంగీతం అందించారు అని అన్నారు. 

Posted in: Tollywood News