ఈ నెల 7న జోరు విడుదల

సందీప్‌కిషన్ కథానాయకుడిగా నటిస్తున్న చిత్రం జోరు. శ్రీకీర్తి ఫిలింస్ పతాకంపై అశోక్, నాగార్జున్ సంయుక్తంగా నిర్మిస్తున్న ఈ చిత్రానికి కుమార్ నాగేంద్ర దర్శకుడు. రాశిఖన్నా, ప్రియా బెనర్జీ, సుష్మా కథానాయికలు. ఈ నెల 7న చిత్రాన్ని విడుదల చేయడానికి సన్నాహాలు చేస్తున్నారు. దర్శకుడు చిత్ర విశేషాలు తెలియజేస్తూ ఆద్యంతం వినోదాత్మకంగా సాగే చిత్రమిది. సందీప్‌కిషన్ పాత్ర చిత్రణ సరికొత్త పంథాలో వుంటుంది. ప్రేమ ప్రయాణంలో ప్రేమికుల జోరుకు అందమైన దృశ్యరూపంలా వుంటుంది. ఆహ్లాదభరిత ప్రేమకథా చిత్రంగా అన్ని వర్గాల వారిని మెప్పిస్తుంది.

సినిమాలోని ప్రతి సన్నివేశంలో హాస్యం పండుతుంది అన్నారు. నిర్మాత మాట్లాడుతూ సెన్సార్ కార్యక్రమాలు పూర్తయ్యాయి. ఎ సర్టిఫికెట్ లభించింది. కథానుగుణంగా భీమ్స్ చక్కటి బాణీలనందించాడు. ఇటీవల విడుదల చేసిన ఆడియోకు మంచి స్పందన లభిస్తోంది అని నిర్మాతలు తెలిపారు. 

Posted in: Tollywood News