చంద్రశేఖర్ ఏలేటి దర్శకత్వంలో వెంకి...

వినూత్న కథాంశాలతో ప్రయోగాత్మక చిత్రాల్ని రూపొందించడంలో సిద్ధహస్తుడు దర్శకుడు చంద్రశేఖర్ ఏలేటి. ఐతే, అనుకోకుండా ఒకరోజు ప్రయాణం సాహసం లాంటి చిత్రాలు ఆయన అభిరుచికి అద్దం పడతాయి. తాజాగా ఆయన దర్శకత్వంలో వారాహి చలన చిత్రం పతాకంపై నిర్మాత సాయి కొర్రపాటి ఓ చిత్రాన్ని తెరకెక్కించేందుకు సన్నాహాలు చేస్తున్నారు. ఈ సినిమాలో వెంకటేష్ కథానాయకుడిగా నటించనున్నట్లు సమాచారం. ప్రస్తుతం ఈ చిత్రానికి సంబంధించిన కథా చర్చలు జరుగుతున్నాయని, అధికారిక సమాచారం త్వరలో వెలువడుతుందని చిత్ర వర్గాలు చెబుతున్నాయి.

Posted in: Tollywood News