తెలుగమ్మాయికి బాలీవుడ్ అవకాశం

తొలి చిత్రంతోనే అనూహ్య విజయాన్ని సొంతం చేసుకున్న రేష్మాకు ఆపై తెలుగులో చక్కటి అవకాశాలే వరించాయి. లవ్ సైకిల్ జై శ్రీరామ్ ప్రతిఘటన లాంటి చిత్రాల్లో చక్కటి పాత్రలతో ఆకట్టుకున్న ఆమె ఈ మధ్యకాలంలో సినిమాల్ని తగ్గించింది. మనసుకు నచ్చిన పాత్రల కోసం వేచిచూడటం వల్ల కెరీర్‌కు కొంత గ్యాప్ వచ్చిందని చెబుతున్న రేష్మా జన్మదినం నేడు. 

ఈ సందర్భంగా ఆమె మాట్లాడుతూ కథానాయికగా మళ్లీ బిజీగా అవుతాననే నమ్మకాన్ని వ్యక్తం చేసింది. తెలుగు, తమిళ భాషల్లో పలు సినిమాల్లో నటిస్తున్న ఆమె ఈ ఏడాది బాలీవుడ్‌లో అరంగేట్రం చేయనుంది. ప్రస్తుతం తెలుగులో జీలకర్రబెల్లం, నువ్వక్కడ నేనిక్కడ, వరుణ్‌సందేశ్ కొత్త చిత్రంతో పాటు రామానాయుడు నిర్మిస్తున్న ఓ చిత్రంలో నటిస్తుంది. వాటితో పాటు తమిళంలో రెండు సినిమాలు, బాలీవుడ్‌లో విజయ్ పట్కా దర్శకత్వంలో తెరకెక్కుతున్న చిత్రంలో కథానాయికగా నటిస్తోంది రేష్మా.

Posted in: Tollywood News