ఆ లడ్డూ బాలాపూర్ దే !

అత్యంత ప్రతిష్టాత్మకంగా భావించే బాలాపూర్ లడ్డూ వేలం పాట ముగిసింది.  ఈ సారి లడ్డూ గత ఏడాదికంటే 24 వేల రూపాయలు అధికంగా పలికింది. గత ఏడాది, అంతకుముందు ఏడాది లడ్డూను స్థానికేతరులు వేలంపాటలో చేజిక్కించుకున్నారు. ఈ సారి మాత్రం బాలాపూర్ కే చెందిన సింగిరెడ్డి జయేందర్ రెడ్డి రూ.9.50 లక్షలకు పాడి చేజిక్కించుకున్నాడు. గత ఏడాది ఎమ్మెల్యే తీగల కృష్ణారెడ్డి రూ.9.26 లక్షలకు ఈ లడ్డూను గెలుచుకున్నారు.
లడ్డూను వేలం పాటలో గెలుచుకున్న జయేందర్ రెడ్డి దానిని నెత్తిన పెట్టుకుని గ్రామంలోని హనుమాన్ దేవాలయం వద్దకు ఊరేగింపుగా వెళ్లి అక్కడ పూజలు నిర్వహించారు. లడ్డూను గెలుచుకున్నందుకు ఆయనకు బాలాపూర్ గణేష్ ఉత్సవ కమిటి ఆధ్వర్యంలో సన్మానం చేశారు.

Posted in: General News