సమీక్ష : పటాస్ రివ్యూ

 

తెలుగు పోస్టర్. కామ్ రేటింగ్ : 3.5/5

నందమూరి కళ్యాణ్ రామ్ హీరోగా నటించిన ‘పటాస్’ సినిమా నేడు విడుదలైంది. శృతి సోది హీరోయిన్. అనిల్ రావిపూడి దర్శకుడిగా పరిచయం అవుతున్నారు. ఫస్ట్ టైం డైరెక్షన్ చేస్తున్నారంటే ప్రయోగాల కంటే కమర్షియల్ సినిమాలకే ప్రాధాన్యం ఇస్తారు. అయితే కమర్షియల్ సినిమా తీసి హిట్ట కొట్టడం అంత ఈజీ కాదు. మరి అనిల్ రావి పూడి పటాస్ లాంటి ఫక్తు కమర్షియల్ సినిమాతో సక్సెస్ కొట్టాడా. చాన్నాళ్ల నుంచి హిట్టు కోసం తపిస్తున్నా కళ్యాణ్ రామ్ కోరిక తీరిందా లేదా అనే విషయాలు తెలియాలంటే రివ్యూలోకి ఎంటర్ కావాల్సిందే. కళ్యాణ్ రామ్ సినిమాలకు ఎప్పుడూ లేని రీతిలో ఈ సినిమాపై భారి అంచనాలు నెలకొన్నాయి. యాక్షన్ ఎంటర్టైనర్ గా తెరకెక్కిన ఈ సినిమా ప్రేక్షకుల అంచనాలను చేరుకుందో..? లేదో..? ఓ సారి చూడండి.

 కథ :

కళ్యాణ్ సిన్హా (కళ్యాణ్ రామ్) అవినీతిపరుడైన పోలీస్ అధికారి. తనను తాను కావాలని హైదరాబాద్ కు బదిలీ చేయించుకుంటాడు. ఒకసారి అతను హైదరాబాద్ చేరగానే.. తన అధికారాలు ఉపయోగించి తప్పుడు మార్గాలలో డబ్బు సంపాదించడం మొదలుపెడతాడు. ఈ క్రమంలో, అతను హైదరాబాద్ డిజిపి (సాయి కుమార్)కు తలనొప్పిగా మారిన స్థానిక రాజకీయ నాయకుడు (అశుతోష్ రాణా)ను ప్రోత్సహిస్తాడు.
కళ్యాణ్ సిన్హా హైదరాబాద్ రాక వెనుక ఒక నిజం ఉందని తెలుసుకున్న హైదరాబాద్ డిజిపి షాక్ కి గురవుతాడు. ఇదే కథలోని అసలైన ట్విస్ట్. ఆ నిజం ఏమిటి..? కళ్యాణ్ సిన్హా ఎందుకు అవినీతి అధికారిగా మారాడు..? ఈ ప్రశ్నలకు సమాధానాలు తెలుసుకోవాలంటే.. మీరు వెండితెరపై కళ్యాణ్ రామ్ ‘పటాస్’ సినిమాను చూడాలి.

దర్శకుడు అనిల్ రావిపూడి పటాస్ కథ పట్టుకొని చాన్నాళ్లు వెయిట్ చేసి మరీ అటెంప్ట్ చేశాడు. పెద్ద హీరోలు చేసే దమ్మున్న కథ అయినా...కళ్యాణ్ రామ్ మాత్రమే చేయాలని ఏరి కోరి ఒప్పించుకున్నాడు. కళ్యాణ్ సైతం అనిల్ మీద నమ్మకం పెట్టాడు. ఆ నమ్మకాన్ని నిలబెట్టాడు అనిల్. కళ్యాణ్ ను కొత్తగా చూపించాడు అనే కంటే... పవర్ ఫుల్ గా చూపించాడు. కళ్యాణ్ రామ్ లో ఎంత ఎనర్జీ ఉందో నిరూపించాడు. కళ్యాణ్ క్యారెక్టర్ ను డిజైన్ చేసిన విధానం బాగుంది. డైలాగ్స్ చెప్పించిన విధానం బాగుంది. కథకు సరైన స్క్రీన్ ప్లే కుదరడంతో...ఎక్కడా సినిమా గ్రాఫ్ డ్రాప్ కాలేదు. కథకు తగ్గ కామెడీ కుదరడంతో... ఆడియెన్స్ కి ఎక్కడా బోర్ కొట్టలేదు. శ్రీనివాస్ రెడ్డి, థర్టీ ఇయర్స్ ఇండస్ట్రీ, ప్రభాస్ శ్రీను, పోసాని, షకలక శంకర్, జెపి కామెడీ పండించారు. పార్థాయ కామెడీ బాగా కుదిరింది. ఎం.ఎస్.నారాయణ ఈ సినిమాకు స్పెషల్ ఎట్రాక్షన్. సునామీ సుభాష్ గా నవ్వుల్లో ముంచెత్తాడు. ముఖ్యంగా మదర్స్ యాక్షన్ ఫోర్స్ సెకాండాఫ్ కు బాగా ప్లస్ అయ్యింది. డైరెక్టర్ అనిల్ డైలాగ్స్ సైతం బాగా రాసుకున్నాడు. కళ్యాణ్ రామ్, సిస్టర్, సాయి కుమార్ మధ్య వచ్చే సెంటిమెంట్ సీన్స్ ఫ్యామిలీ ఆడియెన్స్ కు బాగా కనెక్ట్ అవుతాయి. కథకు తగ్గ స్క్రీన్ ప్లే బాగా రాసుకున్నాడు. కథకు తగ్గ పాటలు కుదిరాయి. బ్యాక్ గ్రౌండ్ స్కోర్ కూడా బాగా కొట్టాడు. హీరోను ఢీకొట్టే విధంగా అశుతోష్ రానా పెర్ ఫార్మెన్స్ ట్టుఉంది. ఓవరాల్ గా డైరెక్టర్ సక్సెస్ అయ్యాడు. నందమూరి ఫ్యాన్స్ కోసం అరెవో సాంబ సాంగ్ స్పెషల్ ఎట్రాక్షన్.  హీరోయిన్ శృతీ బాగానే ఉంది. కమర్షియల్ సినిమాలకు బానే వర్కవుట్ అవుతుంది. 

కళ్యాణ్ రామ్ కెరీర్లో ‘పటాస్’ బిగ్గెస్ట్ హిట్ గా నిలుస్తుంది అనడంలో ఎటువంటి సందేహం లేదు. పవర్ ఫుల్ హీరో క్యారేక్టరైజెషన్ మరియు స్టార్టింగ్ టు ఎండింగ్ ప్రేక్షకులను ఆలరించే ఎంటర్టైన్మెంట్ సినిమాకు మేజర్ ప్లస్ పాయింట్స్. సినిమాలో ఎంటర్టైన్మెంట్ ముందు రొటీన్ కథను పెద్దగా పరిగణలోకి తీసుకోనవసరం లేదు. కమర్షియల్ మాస్ ఎంటర్టైన్మెంట్ సినిమాను తప్పకుండా చూడండి.

Posted in: Movie Rewiews,Tollywood News