రివ్యూ: బీరువా సమీక్ష

తెలుగు పోస్టర్. కామ్ రేటింగ్ : 2.5/5
 'ఉషాకిరణ్ ఫిల్మ్స్, అలాగే 'జెమినీ' టీవీ కీలక బాధ్యులకు చెందిన 'ఆనంది ఆర్ట్స్' - రెండూ కలసి సంయుక్తంగా రూపొందిస్తున్న సినిమా కాబట్టి, 'బీరువా' చిత్రంపై ఆసక్తి నెలకొంది. దానికి తోడు టీవీ చానల్స్‌లో వచ్చిన 'బీరువా' ట్రైలర్లు మరింత ఉత్సుకత పెంచాయి. మరి ఇంతకీ హాలులోకొచ్చిన 'బీరువా' లో ఏమున్నట్లు?

 బీరువా స్టోరీ:

 ఒక ఇంట్లో కొన్న బీరువాలో ఒక వ్యక్తి బయటకొస్తాడు. బీరువాలో మనిషి ఉండడమని ఆశ్చర్యపోతుండే సరికి, బీరువాలో నుంచి ఊడిపడ్డ సదరు హీరో గారు తన ఫ్లాష్‌బ్యాక్ చెబుతాడు. అనగనగా ఒకబ్బాయి. పేరు సంజు (సందీప్ కిషన్). ఇంట్లో అమ్మా నాన్న (అనితా చౌదరి, నరేశ్)ల మాట వినకుండా గాలికి తిరిగే రకం. అతను చేసే ప్రతి పనితో వాళ్ళ నాన్నకు ఏదో ఒక సమస్య వచ్చి పడుతుంటుంది. సదరు తండ్రి సూర్యనారాయణ (నరేశ్)ని ఒకడు నమ్మించి, ఒకడు మోసం చేస్తాడు.

ఆ రూ. 40 కోట్లు తిరిగి పొందడానికి విజయవాడలోని బడా రౌడీ కమ్ రాజకీయవాది ఆదికేశవులు నాయుడు (ముఖేశ్‌రుషి)ని ఆశ్రయిస్తాడు - తండ్రి. తీరా ఆ ఆదికేశవులు కూతురు స్వాతి(సురభి)నే హీరో ప్రేమిస్తుంటాడు. మొదట్లో హీరోను హీరోయిన్ దూరం పెట్టినా, ఆ 40 కోట్ల వ్యవహారం ఆదికేశవులు సెటిల్ చేసే సమయానికి, వాళ్ళ ప్రేమ పిందె పండవుతుంది. హీరో, హీరోయిన్లిద్దరూ కలసి పరారవుతారు. కొడుకు తెచ్చిన కొత్త సమస్యతో తండ్రికి షాక్‌కు గురవుతాడు. అక్కడికి ఫస్టాఫ్ అయిపోతుంది.

ఇక, సెకండాఫ్ అంతా - ఆదికేశవులు బారి నుంచి తప్పించుకోవడానికి హీరో హీరోయిన్లు పడే కష్టాలు, హీరో తెలివిగా వ్యవహరించి, హీరోయిన్‌ను కాపాడడం. చివరకు హీరోయిన్ తండ్రి తన తప్పు తెలుసుకొని, 'అమ్మాయికి కావాల్సింది శాసించే రూలర్ కాదు, ప్రేమించే ఫాదర్' అని గ్రహించి, వారిద్దరికీ పెళ్ళి చేస్తాడు.

బీరువా నటీనటుల పెర్పామెన్స్:
నటీనటుల్లో సంజూ పాత్రను సందీప్‌కిషన్ ఈజీగా చేశాడు. అయితే తన గత చిత్రాలకు ఈ చిత్రంతో కంపారిజన్ చేస్తే పెద్ద మార్పు లేదు. ఎక్స్‌ప్రెషన్స్, బాడీ లాంగ్వేజ్ ఒకే స్టైల్లో ఉంది.  హీరోయిన్ సురభి అందంగా కనిపించింది. సందీప్ సరసన బొద్దుగా ఉన్నట్టు అనిపించింది. సీనియర్ నరేష్ తండ్రి పాత్రలో చక్కగా నటిస్తే సందీప్‌కు తల్లిగా చేసిన అనితాచౌదరి అక్కలా ఉంది. ముఖేష్‌రుషి, అజయ్, చలపతిరావు తమ పాత్రలకు తగినట్టు నటించారు. 

చండశాసనుడైన హీరోయిన్ తండ్రిని ఎదిరించి, హీరోయిన్‌ను హీరో ప్రేమించడం... వారిద్దరూ చెట్టపట్టాలేసుకొని తిరగడం... చివరకు తండ్రికి అతని తప్పు తెలిసేలా చేసి, హీరో హీరోయిన్లు ఏకం కావడం - ఈ తరహా కథలు కొత్తేమీ కాదు. అయితే, ఆ కథలో కీలకమైన మరో పాత్రధారిగా బీరువాను పెట్టుకొని, తద్వారా కథ నడపడమనేది కొత్తే! కాకపోతే, ఇలాంటి వాటికి కథ కన్నా కథనం బలంగా ఉండాలి. టైటిల్‌కు న్యాయం చేసేందుకు పలుసార్లు దర్శకుడు బీరువాలను చూపిస్తూ సినిమా మొత్తం కొన్ని వందల బీరువాలను వాడుకున్నాడు. సెకండాప్ స్టార్ట్ అయ్యాక 30 నిమిషాల్లో ముగించాల్సిన సినిమాను సాగదీసి సప్తగిరి పాత్ర తెచ్చాడు. హీరో విలన్ల నుంచి తప్పించుకునేందుకు రకరకాల బీరువాడు వాడుకోవడం కాస్త కొత్తగా ఉంటుంది. 

Posted in: Movie Rewiews