థ్రిల్లర్ చిత్రంతో ఆమె సినిమాల్లో అడుగుపెట్టబోతున్నది.....

బుల్లితెరపై ప్రయోక్తగా మాటల గారడీతో ప్రేక్షకుల్ని అలరించిన అనసూయ త్వరలో వెండితెరపై అడుగుపెట్టనుందా? అంటే నిజమేనంటున్నాయి ఫిల్మ్‌నగర్ వర్గాలు. వివరాల్లోకి వెళితే... జబర్దస్త్ షో ద్వారా బుల్లితెర ప్రేక్షకులకు సుపరిచితురాలైంది అనసూయ. చలాకీ మాటలతో, ఆకట్టుకునే రూపంతో సందడి చేసిన ఈ సుందరి అనతికాలంలో చక్కటి ఇమేజ్‌ను సొంతం చేసుకుంది. ప్రయోక్తగా తనదైన శైలిలో హాట్‌గా దర్శనిమిస్తూ వచ్చిన ఈ అమ్మడుకు గతంలో పలుమార్లు సినిమాల్లో నటించే అవకాశాలు వచ్చినా వాటిని సున్నితంగా తిరస్కరించింది. తాజా సమాచారం ప్రకారం ఓ థ్రిల్లర్ చిత్రంతో త్వరలో ఆమె సినిమాల్లో అడుగుపెట్టబోతున్నట్లు తెలిసింది.

రవికాంత్ పెరేపు దర్శకుడిగా పరిచయమవుతున్న ఈ చిత్రంలో అడవి శేష్ కథానాయకుడిగా నటించబోతున్నట్లు సమాచారం. దర్శకుడు చెప్పిన కథ నచ్చటంతో తన వెండితెర అరంగేట్రానికి ఈ సినిమానే ఉత్తమమనే అభిప్రాయానికి వచ్చిన అనసూయ ఇటీవలే ఈ చిత్రానికి ఓకే చెప్పినట్లు తెలిసింది. ప్రస్తుతం ఈ చిత్రానికి సంబంధించి ప్రీప్రొడక్షన్ కార్యక్రమాలు జరుగుతున్నట్లు, మార్చిలో దీనిని సెట్స్‌పైకి తీసుకొచ్చేందుకు సన్నాహాలు జరుగుతున్నాయని సమాచారం.

Posted in: Tollywood News