మహేష్‌బాబు తాజా చిత్రం బుధవారం ప్రారంభమైంది

మహేష్‌బాబు కథానాయకుడిగా కొరటాల శివ దర్శకత్వంలో ఓ చిత్రం రూపొందుతున్న విషయం తెలిసిందే. శృతిహాసన్ కథానాయిక. మైత్రి మూవీస్ పతాకంపై యలమంచిలి రవిశంకర్, మోహన్, ఎర్నేని నవీన్ సంయుక్తంగా ఈ చిత్రాన్ని నిర్మిస్తున్నారు. ఈ చిత్ర తాజా షెడ్యూల్ బుధవారం హైదరాబాద్‌లో ప్రారంభమైంది. ఇందులో మహేష్‌బాబుపై ఇంట్రడక్షన్ సాంగ్‌ను చిత్రీకరిస్తున్నారు.

ైస్టెలిష్‌గా వినూత్న తరహాలో డిజైన్ చేసిన ఈ పాట మహేష్ కెరీర్‌లో ఉత్తమ ఉపోద్ఘాత గీతమవుతుందని చిత్ర వర్గాలు చెబుతున్నాయి. ఫ్యామిలీ ఎంటర్‌టైనర్‌గా తెరకెక్కుతున్న ఈ చిత్రంలో మహేష్‌బాబు పాత్ర చిత్రణ భిన్న పార్శాలతో కూడుకొని వుంటుందని, సిస్టర్ సెంటిమెంట్ అంశం ప్రధానంగా వుంటుందని తెలుస్తోంది. మహేష్‌బాబు అక్కయ్య పాత్రలో నదియా నటిస్తోంది. జగపతిబాబు, రాజేంద్రప్రసాద్ ఇతర కీలక పాత్రల్లో నటిస్తున్నారు. వచ్చే ఏడాది వేసవి కానుకగా ఈ చిత్రాన్ని విడుదల చేయడానికి నిర్మాతలు సన్నాహాలు చేస్తున్నారు

Posted in: Tollywood News