ముగ్గురు హాటీలతో యాక్షన్‌ జాక్షన్‌!

అజయ్‌దేవగన్‌ హీరోగా తెరకెక్కిన సినిమా యాక్షన్‌ జాక్సన్‌ ఈ దీపావళికి టీజర్‌ రిలీజై మాస్‌ని విపరీతంగా ఆకట్టుకుంది. పవర్‌ఫుల్‌ డైలాగ్‌‌స, అజయ్‌దేవగన్‌ భారీ మజిల్‌ లుక్‌ కట్టిపడేశాయి. ఇందులో సోనాక్షి సిన్హా, యామిగౌతమ్‌, మానస్విని మాంగాయ్‌ లాంటి అందగత్తెల సోయగాలు కుర్రాళ్లకు కిక్కు రప్పించాయి. అయితే ఈ సినిమా కథలోని ఆత్మ దూకుడుతో పోలికే లేకుండా పూర్తిగా మారిపోయిందని అంటున్నారంతా.

వాస్తవానికి ఈ సినిమాని దూకుడు రీమేక్‌ అని అంటున్నా ప్రభుదేవా ఉత్తరాది ప్రేక్షకుల్ని దృష్టిలో పెట్టుకుని మొత్తం కంటెంట్‌ మార్చేశాడని టీజర్‌ చూస్తేనే అర్థమవుతోంది. తన గాళ్‌ఫ్రెండ్‌ని చంపేసిన హంతుకులపై పగ ప్రతీకారం తీర్చుకోవడానికి సిద్ధమైన కండరగండడిగా అజయ్‌ని చూపిస్తున్నాడని అందరికీ అర్థమవుతుంది. దూకుడు సోల్‌ మిస్సయినా సోలోగా హిట్‌ కొట్టాల్సిన సందర్భమిది. ఇటు ప్రభుదేవాి, అటు అజయ్‌దేవగన్‌కి కీలకమైన టర్నింగ్‌ వస్తుందనే అంతా ఆశిస్తున్నారు. యాక్షన్‌ జాక్సన్‌లో ముగ్గురు ముద్దుగుమ్మలు అందాల ఆరబోతలో పోటీపడుతుండడం విశేషం. ముకుపుడక సుందరి సోనాక్షి సిన్హా. విక్కీడోనర్‌ ఫేం యామి గౌతమ్‌, అలాగే కింగ్‌ ఫిషర్‌ క్యాలెండర్‌ గాళ్‌ మానస్విని ఈ సినిమాలో ఒకరికొకరు పోటీపడి గ్లామర్‌ని ఆవిష్కరించారు. రిలీజ్‌ దగ్గర్లోనే ఉంది. ఫలితం ఎలా ఉంటుందో అన్న ఆసక్తితో ఉన్నారంతా.

Posted in: Tollywood News