14న పిల్లా నువ్వులేని జీవితం

సాయిధరమ్‌తేజ్ హీరోగా నటిస్తున్న చిత్రం పిల్లా నువ్వులేని జీవితం. అల్లు అరవింద్ సమర్పణలో గీతా ఆర్ట్స్, శ్రీ వెంకటేశ్వర క్రియేషన్స్ పతాకంపై ఎ.ఎస్.రవికుమార్ చౌదరి దర్శకత్వంలో బన్నివాసు, హర్షిత్ సంయుక్తంగా నిర్మిస్తున్నారు. రెజీనా కథానాయిక. నవంబర్ 14న ప్రేక్షకులముందుకురానుంది. ఈ సందర్భంగా బుధవారం ఏర్పాటు చేసిన పాత్రికేయుల సమావేశంలో అల్లు అరవింద్ మాట్లాడుతూ ఇటీవలే విడుదలైన ఆడియోకు మంచి స్పందన లభిస్తోంది.

ఈ చిత్రంలో కీలక పాత్ర పోషించిన జగపతిబాబుకి ఆడియో వేడుకలో కృతజ్ఞతలు చెప్పడానికి వీలుకాలేదు. ఆరోగ్యం సహకరించకపోయినా ఆయన ఆడియో వేడుకకు వచ్చారు. అందుకు ఆయనకు ప్రత్యేకంగా కృతజ్ఞతలు తెలియజేస్తున్నాను అన్నారు. అనూప్ అందించిన పాటలు శ్రోతల ఆదరణ పొందుతున్నాయి. ఈ చిత్రం అన్ని వర్గాల వారిని మెప్పిస్తుందన్న నమ్మకముంది అని దిల్‌రాజు చెప్పారు.

దర్శకుడు మాట్లాడుతూ ఈ చిత్రంలో సాయిధరమ్‌తేజ్ అద్భుతమైన నటనను కనబరిచాడు. అతనికి మంచిపేరు తెచ్చే చిత్రమిది. అనూప్ సంగీతం కూడా సినిమాకు ప్లస్ అయింది. పాటలన్నీ బాగున్నాయి అన్నారు. రెండు ప్రతిష్టాత్మక సంస్థలు తీసిన చిత్రానికి పనిచేయడం ఆనందంగా వుందని సంగీత దర్శకుడు అనూప్ తెలిపారు.

Posted in: Tollywood News