రామ్‌చరణ్ మై నేమ్ ఈజ్ రాజు

చిరంజీవి నటించిన చిత్రాల్లోని పాటలను తన సినిమాల్లో రీమిక్స్ చేస్తున్న రామ్‌చరణ్ ఈసారి చిరు చిత్రంలోని ఓ పాటను తన సినిమాకు టైటిల్‌గా పెట్టాలనే ఆలోచనలో వున్నాడని తెలిసింది. వివరాల్లోకి వెళితే... శ్రీనువైట్ల-రామ్‌చరణ్ కలయికలో త్వరలో ఓ చిత్రం రూపొందబోతుంది. ఇటీవలే కథ విని ఈ చిత్రానికి చరణ్ గ్రీన్‌సిగ్నల్ ఇచ్చాడట. కాగా ఈ చిత్రానికి చిరంజీవి నటించిన జగదేక వీరుడు-అతిలోకసుందరి చిత్రంలో చిరంజీవి పరిచయగీతంగా తెరకెక్కించిన పాట పల్లవిలోని ప్రారంభ పదమైన మై నేమ్‌ఈజ్ రాజును టైటిల్‌గా అనుకుంటున్నారట. చిరంజీవితో పాటు చరణ్‌కు కూడా ఈ టైటిల్ నచ్చడంతో ఈ టైటిల్‌నే నిర్ణయించినట్లుగా సమాచారం. త్వరలోనే చిత్రీకరణ ప్రారంభం కానున్న ఈ చిత్రంలో రామ్‌చరణ్‌కు జోడీగా ఇద్దరు కథానాయికలు నటించనున్నారు. ప్రధాన నాయికగా ప్రణీతను ఎంపిక చేశారని, రెండో నాయికగా రెజీనా లేదా పూజా హెగ్డే నటించే అవకాశం వుందని చిత్ర వర్గాల సమాచారం.

Posted in: Tollywood News