కల్యాణ్‌రామ్ మాస్ పటాస్

నచ్చిన కథలతో సినిమాలు తీస్తూ, నచ్చిన పాత్రల్నే ఎంచుకుంటూ తన అభిరుచికి అనుగుణంగా కెరీర్‌లో ముందుకు దూసుకుపోతున్నారు నందమూరి కల్యాణ్‌రామ్. ఈ క్రమంలో ఆయన చేస్తున్న తాజా చిత్రం ‘పటాస్’. అనిల్ రావిపూడి దర్శకుడు. ఇప్పటికే షూటింగ్ పూర్తి చేసుకున్న ఈ చిత్రం ప్రస్తుతం పోస్ట్‌ప్రొడక్షన్‌లో ఉంది. ఈ చిత్రం టైటిల్ లోగోను, టీజర్‌ను శుక్రవారం విడుదల చేశారు. సాయికార్తీక్ స్వరాలందించిన ఈ చిత్రం పాటలను డిసెంబర్ 7న విడుదల చేయనున్నట్లు కల్యాణ్‌రామ్ తెలిపారు.

మాస్ మెచ్చే కమర్షియల్ ఎంటర్‌టైనర్‌గా అనిల్ ఈ చిత్రాన్ని రూపొందించారనీ, ఇప్పటివరకూ చేయని భిన్నమైన పాత్రను ఇందులో చేశాననీ కల్యాణ్‌రామ్ అన్నారు. డిసెంబర్‌లోనే సినిమాను విడుదల చేస్తామని ఈ సందర్భంగా ఆయన తెలిపారు. 

Posted in: Tollywood News