మహేశ్ కొత్త సినిమా పేరు మగాడు?

 మహేశ్ త్వరలో ‘మగాడు’గా రాబోతున్నాడా? ఫిలింనగర్ వర్గాలు అవుననే అంటున్నాయి. కొరటాల శివ దర్శకత్వంలో మహేశ్ నటించనున్న చిత్రానికి ‘మగాడు’ అనే టైటిల్‌ని ఖరారు చేసినట్లు విశ్వసనీయ సమాచారం. అమితాబ్‌బచ్చన్ ‘దీవార్’ చిత్రాన్ని 1970ల్లో మహానటుడు ఎన్టీఆర్ ‘మగాడు’గా రీమేక్ చేస్తే ఆ సినిమా భారీ విజయాన్ని అందుకుంది.
తర్వాత డా.రాజశేఖర్ కూడా ‘మగాడు’ పేరుతో ఓ సినిమా చేశారు. అదీ హిట్టే. అలా చూస్తే... ‘మగాడు’గా రాబోతున్న మూడో స్టార్ హీరో మహేశే అవుతారు. స్క్రిప్ట్ పరంగా మహేశ్ పాత్రను భిన్నంగా, అత్యంత శక్తిమంతంగా కొరటాల శివ డిజైన్ చేశారట. శ్రుతీహాసన్ కథానాయికగా నటించనున్న ఈ చిత్రానికి దేవిశ్రీప్రసాద్ స్వరాలందించనున్నారు. మైత్రీ మూవీస్ పతాకంపై ఎర్నేని నవీన్, యలమంచిలి రవిశంకర్, సి.వి.మోహన్ కలిసి నిర్మిస్తున్న ఈ చిత్రం షూటింగ్ ఈ నెల 9న ప్రారంభం కానుంది. ఇంకా ఈ సినిమాకు సంబంధించిన పూర్తి వివరాలు తెలియాల్సి ఉంది.

Posted in: Tollywood News