వరుస విజయాలతో దూసుకుపోతున్నాడు కోలీవుడ్ అగ్ర హీరోల్లో ఒకరైన విజయ్ . ఆయన హీరోగా మురుగదాస్ దర్శకత్వంలో
తెరకెక్కుతున్న తాజా చిత్రం కత్తి. సమంతా కథానాయిక. ఈ చిత్రాన్ని ఠాగూర్
మధు సమర్పణలో లైకా ప్రొడక్షన్స్ తెలుగులో విడుదల చేయనుంది. దీపావళి కానుకగా
తమిళ, తెలుగు భాషల్లో ఈ చిత్రాన్ని ప్రేక్షకులముందుకు తీసుకురావడానికి
సన్నాహాలు చేస్తున్నారు. ఈ సందర్భంగా ఠాగూర్ మధు మాట్లాడుతూ
ప్రపంచవ్యాప్తంగా రికార్డు స్థాయిలో ఈ చిత్రం విడుదల కాబోతుంది.
రెండేళ్లక్రితం విజయ్, మురుగదాస్ కలయికలో వచ్చిన తుపాకీ ఏ స్థాయిలో విజయం
సాధించిందో అందరికీ తెలిసిందే. దాంతో కత్తి చిత్రంపై భారీ అంచనాలు
ఏర్పడ్డాయి. అన్యాయాల్ని, అవినితీని అంతమొందించే కత్తిలాంటి యువకుడి కథే
చిత్ర ఇతివృత్తం. అంతర్లీనంగా చక్కటి సామాజిక సందేశం వుంటుంది. అనిరుధ్
రవిచంద్రన్ సంగీతాన్నందించిన పాటల్ని ఈ నెల 12న విడుదల చేయబోతున్నాం
అన్నారు. ఈ చిత్రానికి కెమెరా: జార్జ్.సి.విల్లియమ్స్, ఎడిటింగ్: శ్రీకర్
ప్రసాద్.
0 comments:
Post a Comment