అనుబంధాల ముకుంద

నవతరం యువకుల భావోద్వేగాలు, జీవితం పట్ల వారి దృక్పథం ప్రధానాంశాలుగా పట్టణ నేపథ్యంలో తెరకెక్కుతున్న చిత్రం ముకుంద. వరుణ్‌తేజ్ కథానాయకుడిగా పరిచయమవుతున్నారు. ఠాగూర్ మధు సమర్పణలో లియో ప్రొడక్షన్స్ పతాకంపై నల్లమలుపు శ్రీనివాస్ (బుజ్జి) నిర్మిస్తున్నారు. శ్రీకాంత్ అడ్డాల దర్శకుడు. పూజా హెగ్డే కథానాయిక. ఈ నెల 24న ప్రేక్షకుల ముందుకురానుంది. ఈ సందర్భంగా దర్శకుడు చిత్ర విశేషాలు తెలియజేస్తూ కుటుంబ బంధాలకు సమకాలీన అంశాలను జోడిస్తూ ఈ చిత్రాన్ని తెరకెక్కిస్తున్నాం. వరుణ్‌తేజ్‌లోని మాస్ కోణాన్ని ఆవిష్కరించే చిత్రమిది. అతడి పాత్ర చిత్రణ, నటన సినిమాకు ప్రధాన ఆకర్షణగా నిలుస్తాయి. పాటలు, ప్రచార చిత్రాలకు అద్భుతమైన స్పందన లభిస్తోంది.

సినిమా కూడా మంచి విజయాన్ని సాధిస్తుందనే నమ్మకముందిఅన్నారు. నిర్మాత మాట్లాడుతూ వినోదం, ప్రేమ, యాక్షన్ భావోద్వేగాలకు కుటుంబ విలువల్ని మేళవిస్తూ తెరకెక్కిస్తున్న చిత్రమిది. కమర్షియల్ సినిమాకు కావాల్సిన హంగులన్ని ఉన్నాయి. వరుణ్‌తేజ్, పూజా హెగ్డే జోడీ చక్కగా కుదిరింది. మిక్కీ.జె.మేయర్ పాటలకు చక్కటి ఆదరణ లభిస్తోంది. సెన్సార్ పూర్తయింది. యు.ఎ సర్టిఫికేట్ వచ్చింది. ఇంటిల్లిపాది కలిసి చూసే విధంగా సినిమా ఉంటుంది అని తెలిపారు. నాజర్, ప్రకాష్‌రాజ్, బ్రహ్మానందం, రావు రమేష్ తదితరులు నటిస్తున్న ఈ చిత్రానికి సంగీతం: మిక్కీ.జె.మేయర్, కెమెరా: మణికందన్, నిర్మాణం: లియో ప్రొడక్షన్స్

Posted in: Tollywood News