బ్రహ్మానందం అరుదైన రికార్డు....

35ఏళ్లుగా సినీరంగానికే అంకితమై కమెడియన్‌గా తెలుగు ప్రేక్షకుల్ని నవ్విస్తూ ఆహ్లదాన్ని పంచుతున్న నవ్వుల రేడు బ్రహ్మానందం అరుదైన రికార్డును సొంతం చేసుకోబోతున్నారు. అతడు 1000సినిమాలు పూర్తి చేయడానికి ఇంకా మూడు సినిమాల దూరంలోనే ఉన్నాడు. నిన్నటి లౌక్యం ప్లాటినం డిస్‌‌క వేడుకలో ఆ విషయాన్ని ఆయనే స్వయంగా చెప్పారు. ఒకవేళ ఈ రికార్డును చేరువైతే ప్రపంచంలోనే అత్యధిక సినిమాల్లో నటించిన ఏకైక కమెడియన్‌గా గిన్నిస్‌ రికార్డును అధిరోహించినట్టే. ప్రపంచంలో వేరే ఏ హాస్యనటుడికి బ్రహ్మీకి వచ్చినన్ని అవకాశాలే రాలేదంటే అతిశయోక్తి కాదు. హాలీవుడ్‌లో ఏ నటుడికైనా కెరీర్‌ మహా అయితే పదేళ్లు మించి ఉండదు. బాలీవుడ్‌లోనూ హాస్యనటులకు మైలేజ్‌ చాలా తక్కువ. ఒక్క తెలుగు సినీపరిశ్రమలోనే ఇంతటి ఆదరణ. నచ్చితే నెత్తికెక్కించుకునే స్వభావం ఒక్క తెలుగు ఆడియెన్‌కి మాత్రమే ఉంది అనడానికి బ్రహ్మీ కెరీర్‌ ఓ ఉదాహరణ. ఆ మూడు సినిమాలు పూర్తయితే తెలుగు చలనచిత్ర పరిశ్రమ ఘనంగా సన్మానించి అతడిని గౌరవించాల్సిన సందర్భం వచ్చింది. ఓ తెలుగువాడు సాధించిన ఘనచరితగా ఈ రికార్డును పరిగణించాలి.

Posted in: Tollywood News