రెజీనా టైమ్‌ స్టార్టయ్యింది!

రెజీనా టైమ్‌ స్టార్టయ్యిందా? అంటే అవుననే సమాచారం. ఈ అమ్మడికి మెగా ఫ్యామిలీ స్టార్‌ హీరోల నుంచి గుర్తింపు దక్కింది. చరణ్‌, బన్ని సరసన నటించడానికి ఇంకెంతో టైమ్‌ పట్టదని క్లోజ్‌ సోర్సెస్‌ చెబుతున్నాయి. ఎస్‌ఎంఎస్‌ సినిమాతో తెలుగు తెరకు పరిచయమైన ఈ భామ కోలమొహం, ఆకట్టుకునే కళ్లు, కొంటె చూపులు ఈ అమ్మడికి పెద్ద ప్లస్‌. అందుకే తొలిసినిమాతోనే విజయం అందుకుని, వెంటనే సందీప్‌కిషన్‌ `రొటీన్‌ లవ్‌స్టోరి'లో నటించి ద్వితీయప్రయత్నం పర్వాలేదనిపించింది. అటుపై మెగా హీరోలు సాయిధరమ్‌తేజ్‌, అల్లు శిరీష్‌ ఇద్దరి సరసన నటించింది. అల్లు శిరీష్‌ సరసన నటించిన `కొత్తజంట' బాక్సాఫీస్‌ వద్ద యావరేజ్‌గా నిలిచింది. అదేగాక నారా రోహిత్‌ సరసన శంకర, సందీప్‌ కిషన్‌కు జోడీగా `రారా కృష్ణయ్య' సినిమాలలో నటించింది. సాయిధరమ్‌ తేజ్‌ సరసన `పిల్లా నువ్వు లేని జీవితం' త్వరలో రిలీజ్‌కి రెడీ అవుతోంది. అయితే వీటన్నిటికంటే ముందే రవితేజ సరసన నటించిన `పవర్‌' రిలీజై అమ్మడికి పెద్ద బ్రేక్‌ వచ్చింది. ఇకనుంచి మాస్‌లో ఇమేజ్‌ ఉన్న ఎలాంటి పెద్ద హీరో సరసన అయినా రెజీనా సరిపోతుందని నిరూపించుకున్నట్టే. ప్రస్తుతం చరణ్‌, బన్ని, ఎన్టీఆర్‌, ప్రభాస్‌ లాంటి స్టార్‌ హీరోల సినిమల్లో రెజీనాకు ఛాన్సుందని తెలుస్తోంది.

Posted in: Tollywood News